Ողջունում ենք ձեզ ՈՒՀՄ-ի կայքում

Հարգելի հայրենակիցներ, բարեկամներ

Ողջունում ենք ձեզ Ուկրաինայի հայերի միության կայքում:

Ուկրաինայի տարածքում հայ ժողովուրդը ապրում է վաղ ժամանակներից:
Դեռ  IV–VII դարերից են հայտնի Հայաստանի հնագույն կապերն ու հարաբերությունները սլավոնների հետ: Հայաստանը գրաված զավթիչների կողմից ֆիզիկական ոչնչացման վտանգի, բռնի տեղահանությունների արդյոււնքում հայերը դարերով կապվեցին ուկրանացի ժողովորդի հետ ու արդեն  ավելի քան մեկ տասնյակ դար ապրում են հաշտ ու  խաղաղ՝ ապացուցելով իրենց եղբայրությունը:

Ուկրաինայի հայերի միության առաջնային խնդիրը՝ ողջ հայության միավորումն է Ուկրաինայում:

ՈՒՀՄ –ի նախագահ՝, Վիլեն Շատվորյան

Հոդվածներ → Ռուսլան Բորոտնիկ. Ուկրաինացի եւ հայ ժողովուրդների հարաբերությունները բնորոշվում են բարեկամության բարձր մակարդակով

Ուկրաինացի եւ հայ ժողովուրդների հարաբերությունները բնորոշվում են ներդաշնակության, հանդուրժողականության եւ հոգեւոր բարեկամության բարձր մակարդակով: Դրա վառ օրինակը Ուկրաինայում հարյուր հազարավոր հայերի եւ Հայաստանում՝ հազարավոր ուկրաինացիների հարմարավետ բնակությունն է: Այդ մասին Analitika.at.ua-ի հետ զրույցում հայտնել է Քաղաքականության վերլուծության եւ մենեջմենթի ուկրաինական ինստիտուտի տնօրեն Ռուսլան Բորոտնիկը՝ ուկրաինացիներին եւ հայերին շնորհավորելով դիվանագիտական հարաբերությունների հաստատման 95-ամյակի կապակցությամբ: «Թեեւ, բնականաբար, հարաբերությունները ժողովուրդների միջեւ ավելի հին են, եւ առնվազն հազար տարվա պատմություն ունեն»:

Հիշեցնելով, որ «Ուկրաինայի հայերի միություն» ՀԿ-ն առաջինն է, որ ընդգրկվել է Եվրամիության թափանցիկության ռեեստրում, Բորոտնիկը նկատել է, թե դա ոչ միայն կազմակերպության ղեկավարության մեծ ձեռքբերում է, այլեւ ուկրաինացիների եւ հայերի համագործակցության բարձր մակարդակի վկայությունը:

«1991թ. Անկախություն ձեռքբերելուց հետո Ուկրաինայի եւ Հայաստանի միջեւ ամուր իրավապայմանագրային հիմք է ստեղծվել: Միեւնույն ժամանակ պետք է արձանագրել միջպետական եւ տնտեսական հարաբերությունների չիրացված պոտենցիալը: Մեր երկրների միջեւ ապրանքաշրջանառությունը նախորդ տարի կազմել է 230 մլն դոլար, եւ կարող է ավելացվել առնվազն չորս անգամ՝ գյուղատնտեսության, ուկրաինական մեքենաշինության, տրանսպորտային ցանցերի եւ տուրիզմի շնորհիվ»,- ասել է փորձագետը:

Photo, video

All rights reserved to sau.net.ua if otherwise is not mentioned. If you want to use our materials - always put a backlink to our site.