Ողջունում ենք ձեզ ՈՒՀՄ-ի կայքում

Հարգելի հայրենակիցներ, բարեկամներ

Ողջունում ենք ձեզ Ուկրաինայի հայերի միության կայքում:

Ուկրաինայի տարածքում հայ ժողովուրդը ապրում է վաղ ժամանակներից:
Դեռ  IV–VII դարերից են հայտնի Հայաստանի հնագույն կապերն ու հարաբերությունները սլավոնների հետ: Հայաստանը գրաված զավթիչների կողմից ֆիզիկական ոչնչացման վտանգի, բռնի տեղահանությունների արդյոււնքում հայերը դարերով կապվեցին ուկրանացի ժողովորդի հետ ու արդեն  ավելի քան մեկ տասնյակ դար ապրում են հաշտ ու  խաղաղ՝ ապացուցելով իրենց եղբայրությունը:

Ուկրաինայի հայերի միության առաջնային խնդիրը՝ ողջ հայության միավորումն է Ուկրաինայում:

ՈՒՀՄ –ի նախագահ՝, Վիլեն Շատվորյան

Հոդվածներ → Օլեգ Սմիրնով. Տնտեսական հարթությունում Հայաստանն ու Ուկրաինան նշանակալի ներուժ ունեն

Հայ-ուկրաինական հարաբերությունների ամրապնդումը 2012թ-ին եւ քաղաքական համագործակցության անցումն առավել բարձր մակարդակ, անկասկած, Ուկրաինայում հայկական սփյուռքի ջանքերի արդյունք է, որն ակտիվորեն նպաստում է երկու ժողովուրդների միջեւ երկխոսության հաստատմանը: Այդ մասին «Analitika.at.ua»-ին տված հարցազրույցում ասել է ուկրաինացի փորձագետ, «Պոլիտիկա» վերլուծական կենտրոնի միջազգային նախագծերի հեղինակ Օլեգ Սմիրնովը:

Նրա խոսքով` հայերի ինտեգրացիան Ուկրաինայի հասարակական-քաղաքական կյանքում այն բարենպաստ հիմքն է, որը թույլ է տալիս զարգացնել միջպետական հարաբերությունները եւ համատեղ մշակութային ժառանգության նոր էջեր բացել:

«Այդ համատեքստում կցանկանայի ուշադրությունը հրավիրել Իրինա Գյուկի կազմած «Ուկրաինայում հայկական մշակույթի պատկերազարդ հանրագիտարան»-ի վրա: Այդ գրքում ներկայացված է Ուկրաինայի տարածքում հայկական մշակույթի հուշարձանների մասին ամբողջական տեղեկատվություն» ,-նշել է Սմիրնովը:

Նրա գնահատմամբ` Ուկրաինայի եւ Հայաստանի միջեւ հարաբերությունները չեն սահմանափակվում միայն հումանիտար ոլորտով, եւ նշանակալի ներուժ ունեն նաեւ տնտեսական հարթության մեջ:

«Խոսքը էներգետիկայի, շինարարության, գյուղատնտեսության, մեքենաշինության, առեւտրի ոլորտներում շահավետ նախագծերի իրականացման մասին է: Հուսանք, որ 2013թ-ը ոչ պակաս բեղուն կլինի հայ-ուկրաինական հարաբերությունների համար»,-նշել է փորձագետը:

Photo, video

All rights reserved to sau.net.ua if otherwise is not mentioned. If you want to use our materials - always put a backlink to our site.