Ողջունում ենք ձեզ ՈՒՀՄ-ի կայքում

Հարգելի հայրենակիցներ, բարեկամներ

Ողջունում ենք ձեզ Ուկրաինայի հայերի միության կայքում:

Ուկրաինայի տարածքում հայ ժողովուրդը ապրում է վաղ ժամանակներից:
Դեռ  IV–VII դարերից են հայտնի Հայաստանի հնագույն կապերն ու հարաբերությունները սլավոնների հետ: Հայաստանը գրաված զավթիչների կողմից ֆիզիկական ոչնչացման վտանգի, բռնի տեղահանությունների արդյոււնքում հայերը դարերով կապվեցին ուկրանացի ժողովորդի հետ ու արդեն  ավելի քան մեկ տասնյակ դար ապրում են հաշտ ու  խաղաղ՝ ապացուցելով իրենց եղբայրությունը:

Ուկրաինայի հայերի միության առաջնային խնդիրը՝ ողջ հայության միավորումն է Ուկրաինայում:

ՈՒՀՄ –ի նախագահ՝, Վիլեն Շատվորյան

Հոդվածներ → Հայկական մշակույթը մեծ հետաքրքրություն է առաջացնում Ուկրաինայում. պատմաբան

«Ուկրաինայում տարեցտարի աճում է հետաքրքրությունը հայկական մշակույթի նկատմամբ: Ուկրաինայի հայերի միության կազմակերպած միջոցառումներին մասնակցում են երկրի տարբեր շրջաններից եկած հազարավոր մարդիկ»,- այս մասին AnalitikaUA.net-ին տեղեկացրել է Ուկրաինայի հայերի միության պատմամշակութային հարցերով հանձնաժողովի ղեկավար Դավիթ Դավթյանը:

Նա նշել է, որ 2017 թ. սկսվել է Հովհաննես Այվազովսկու 200-ամյակին նվիրված միջոցառումներով, որոնք անցկացվում էին ամբողջ տարվա ընթացքում՝ երկրի տարբեր շրջաններում: Ուկրաինայի հայերի միությունը նաև Ուկրաինայի հայկական սրբապատկերների, միջնադարյան Ավետարանների, խաչքարների աննախադեպ ցուցադրություններ է կազմակերպել «Սոֆիա Կիևսկայա» Ազգային արգելոցում:

Դավթյանը նշել է, որ Ուկրաինայի հայերի բազմադարյա մշակույթին ու պատմությանը նվիրված բոլոր միջոցառումները մեծ հետաքրքրություն են առաջացնում այցելուների շրջանում: Նրա խոսքով՝ Ուկրաինայում հետաքրքրության աճ է նկատվում հայկական պատմության ու մշակույթի նկատմամբ, ինչն արտահայտվում է թեմատիկ միջոցառումների այցելությունների թվի մեծացմամբ:

«Հաճախ, երբ մենք ցուցադրություններ ու ներկայացումներ ենք կազմակերպում, որ ուղղված են ուկրաինա-հայկական պատմության հանրահռչակմանը, մեզ մոտ գալիս են մարդիկ և ասում, որ տեսածից ու լսածից հետո ցանկանում են տեսնել Ուկրաինայի մշակութային հուշարձանները և լինել Հայաստանում»,- ասաց նա:

Ուկրաինայի հայերի միությունը ակտիվ աշխատանք է տանում ազգային պատմական արժեքների հանրահռչակման ուղղությամբ: Ուկրաինայի հայերի միության նախագահ Վիլեն Շատվորյանի խոսքով՝ գիտությունը ավանդաբար իրենց կազմակերպության ուշադրության կենտրոնում է:


Photo, video

All rights reserved to sau.net.ua if otherwise is not mentioned. If you want to use our materials - always put a backlink to our site.