Ողջունում ենք ձեզ ՈՒՀՄ-ի կայքում

Հարգելի հայրենակիցներ, բարեկամներ

Ողջունում ենք ձեզ Ուկրաինայի հայերի միության կայքում:

Ուկրաինայի տարածքում հայ ժողովուրդը ապրում է վաղ ժամանակներից:
Դեռ  IV–VII դարերից են հայտնի Հայաստանի հնագույն կապերն ու հարաբերությունները սլավոնների հետ: Հայաստանը գրաված զավթիչների կողմից ֆիզիկական ոչնչացման վտանգի, բռնի տեղահանությունների արդյոււնքում հայերը դարերով կապվեցին ուկրանացի ժողովորդի հետ ու արդեն  ավելի քան մեկ տասնյակ դար ապրում են հաշտ ու  խաղաղ՝ ապացուցելով իրենց եղբայրությունը:

Ուկրաինայի հայերի միության առաջնային խնդիրը՝ ողջ հայության միավորումն է Ուկրաինայում:

ՈՒՀՄ –ի նախագահ՝, Վիլեն Շատվորյան

Հոդվածներ → Հասմիկ Պողոսյան. Հայ-ուկրաինական մշակութային համագործակցությունը ակտիվ զարգանում է

Ընթացիկ տարեսկզբին Հայաստանի եւ Ուկրաինայի մշակույթի նախարարությունների միջեւ 2013-2017թթ. համագործակցության ծրագիր է ստորագրվել, որում նշված են համագործակցության ուղղությունները եւ դրանց իրացման հնարավոր ձեւերը:

Այս մասին AnalitikaUA.net-ի հետ հարցազրույցում հայտնել է Հայաստանի մշակույթի նախարար Հասմիկ Պողոսյանը՝ պատասխանելով հարցին՝ հնարավոր է արդյոք, որ Հայաստանի եւ Ուկրաինայի միջեւ 2013-2017թթ. համագործակցության ծրագրի շրջանակում նշվի Հայ-ուկրաինական բարեկամության օրը:

Ըստ Պողոսյանի՝ կողմերը պետք է աջակցեն թանգարանների եւ գրադարանների միջեւ ուղղակի կապերի հաստատմանը, կինոյի, թատրոնի, մշակույթի, ստեղծագործական բուհերի ներկայացուցիչներին եւ համատեղ ծրագրերի իրականացմանը: «Անկասկած, տվյալ ծրագրի շրջանակում ձեր առաջարկի իրագործումը միանգամայն հնարավոր է, սակայն հարցն անհրաժեշտ է քննարկել եւ համաձայնեցնել նաեւ մեր ուկրաինացի գործընկերների հետ: Կարծում եմ, որ ուկրաինացի պատմաբանների նախաձեռնությանը՝ հունիսի 27-ը Ուկրաինացի եւ հայ ժողովուրդների բարեկամության եւ եղբայրության օր հռչակելու վերաբերյալ, կաջակցի նաեւ Ուկրաինայի մշակույթի նախարարությունը»:

Ի պատասխան այն հարցին, թե ինչպես է նախարարը գնահատում Ուկրաինայի հայերի միության գործունեությունը հայկական մշակույթի պահպանման գործում, Պողոսյանը նշել է, որ Ուկրաինայում հայերը հարմարավետ են ապրում, եւ այդ գործում է մեծ է Ուկրաինայի հայերի միության դերը:

Ըստ նրա՝ կազմակերպությունը հայկական մշակույթի պահպանման ուղղությամբ տարբեր միջոցառումներ է իրականացնում: «Ես վստահ եմ, որ դրան նպաստում է նաեւ վերածնված դպրոցների, հրատարակչությունների գործունեությունը: Ավելին, Ուկրաինայի հայերի միությունը Ուկրաինայի առաջին հասարակական կազմակերպությունն է, որը ընդգրկվել է Եվրամիության թափանցիկության գոտի»:

Photo, video

All rights reserved to sau.net.ua if otherwise is not mentioned. If you want to use our materials - always put a backlink to our site.