Ողջունում ենք ձեզ ՈՒՀՄ-ի կայքում

Հարգելի հայրենակիցներ, բարեկամներ

Ողջունում ենք ձեզ Ուկրաինայի հայերի միության կայքում:

Ուկրաինայի տարածքում հայ ժողովուրդը ապրում է վաղ ժամանակներից:
Դեռ  IV–VII դարերից են հայտնի Հայաստանի հնագույն կապերն ու հարաբերությունները սլավոնների հետ: Հայաստանը գրաված զավթիչների կողմից ֆիզիկական ոչնչացման վտանգի, բռնի տեղահանությունների արդյոււնքում հայերը դարերով կապվեցին ուկրանացի ժողովորդի հետ ու արդեն  ավելի քան մեկ տասնյակ դար ապրում են հաշտ ու  խաղաղ՝ ապացուցելով իրենց եղբայրությունը:

Ուկրաինայի հայերի միության առաջնային խնդիրը՝ ողջ հայության միավորումն է Ուկրաինայում:

ՈՒՀՄ –ի նախագահ՝, Վիլեն Շատվորյան

Հոդվածներ → Անդրեյ Յասինովսկի. Հայկական սփյուռքը զգալի հետք է թողել Ուկրաինայի մշակութային լանդշաֆտում

Ուկրաինայի պատմագրության մեջ զգալ տեղ են զբաղեցնում հայ պատմաբաններն ու տարեգիրները, Analitika.at.ua-ի հետ հարցազրույցի ժամանակ հայտարարել է պատմական գիտության թեկնածու, Ուկրաինայի կաթոլիկ համալսարանի դասական, բյուզանդական եւ միջնադարյան ժամանակաշրջանի ամբիոնի վարիչ Անդրեյ Յասինովսկին:

Նրա խոսքով` Ղրիմից Գալիչինա ընկած տարածաշրջանում հայ համայնքը հատնվել է 13-րդ դարում, երբ Փոքր Հայաստանից սելջուկների, մոնղոլների եւ մամլուքների կողմից տասնյակ հազարավոր հայեր գաղթի են ենթարկվել: Հայերը մեծ ազդեցություն են ունեցել տարածաշրջանի տնտեսական զարգացման մեջ: Հայ առեւտրականների համար շահութաբեր կենտրոնները Լվովն ու Կամենեցն էին, որոնք տեղակայված են երկու քաղաքակրթություններն ու առեւտրական ճանապարհներն իրար միացնող հատվածում`հաղորդակցելով Արեւմուտքն ու Արեւելքն, ասել է նա:

Ուկրաինայի մշակութային լանդշաֆտի մեջ զգալի հետք է թողել հայկական սփյուռքը: 14-րդ դարի վերջին կառուցված Լվովի Սուրբ Մարիամ Աստվածածնի վերափոխման արքեպիսկոպոսական տաճարը վաղուց դարձել է քաղաքի ճանաչման այցեքարտը: Իրենց հոյակերտությամբ շշմեցնում են Կամենեց-Պոդոլսկի եւ Ղրիմի հայկական ծիսային ճարտարապետությունները: 1616 թվականին Լվովում տպագրվել է Արեւելյան Եվրոպայում առաջին հայկական գիրքը` Հովհաննես Կարմատանենցի «Պսալտիր»-ը: Ուկրաինայի պատմագրության մեջ զգալի տեղ են զբաղեցնում հայ պատմաբաններն ու տարեգիրները, մասնավորապես Բարթոլոմեյ Զամիրովիչը («Տրոյական Լվով») եւ Հովհաննես Կամենացին` («Խոտին պատերազմի պատմություն»):

«Ամփոփելով` ցանկանում եմ նշել, որ հայերը միշտ կարողացել են ապրել ինչպես տեղական ժողովրդի, այնպես էլ ուկրաինական հողի վրա դարերով ապրած այլ ժողովուրդների հետ եւ իրենց ներդրումն են ունեցել նոր հայրենիքի բարեկեցւթյան մեջ եւ ընդհանուր մշակութային գանձարանում»,- նշել է պատմաբանը:

Photo, video

All rights reserved to sau.net.ua if otherwise is not mentioned. If you want to use our materials - always put a backlink to our site.